Josh Wardle, un ingeniero de software en Brooklyn, lanzó el djugo Wordle en oktubre de 2021. Wordle se konvirtió rapidamente en una obsesion diaria. Djugar Wordle es fasil. Deves de endivinar una palavra de sinko letras en manko de sesh tentativas.
El 1 de noviembre, solamente 90 personas djugaron el djugo. Ma en doz meses, este numero se izo 300 mil i agora ay mas de miliones de personas ke djugan a Wordle kada dia. Ya no es mas solo en ingles ma en munchas linguas, inkluido el Fransez, Turko i Ladino.
Wordle es una obsesion para munchos. Josh orijinalmente invento el djugo para entretener su esposa a ken le plaze muncho los djugos de palavras.
Komo puedes djugar solamente un djugo kada diya, mas i mas djente se esperta las demanyanas pensando a el djugo komo unos momentos presiozos de diskuvrimiento, logro i emosion. Ay munchos ke partajan el rezultado en sus kuentas de redes sosiales.
Wordle es una emosiyon mundial. New York Times merkó el djugo para kompartir kon sus lektores. Wordle sera gratuito para djugadores en el periodiko. Pero Josh gano muncho kon este djugo. Wordle fue merkado por un presio no revelado de siete shifras!
Karel Valansi, Şalom, 23 Şubat 2022 https://www.salom.com.tr/haber-121379-la_obsesion_de_wardle.html
Yorumlar